Eg har menga meg med dei meir eller mindre edruelege studentane på Nygårdshøyden. Der skal eg studere allmenn litteratur (kanskje), og ja, det er ikkje til å kome forbi at dei aller fleste er yngre enn meg. Ein skal ikkje sjå vekk frå at eg kan treffe på studentar som eg sjølv underviste i norsk litteratur på vidaregåande hin hausten. Fadder har eg og fått, ho er vel halvparten min alder. Eg takka pent nei til både vorspiel og nachspiel.

Når ein ser Sirikit, er det vanskeleg å tenke seg at ho kan vere ein ulv i fårekle. Ingen er kvitare, finare eller ser meir uskuldig ut enn ho. Men skinnet kan bedra, det har vi erfart etter meir enn tre månader med den "kongelege" i huset. Noko av det kjekkaste ho veit er å jakte på insekt.

Kokkken og eg skal gå i Varg Veum sine fotspor. Det er søndag og byvandring i byen mellom dei sju fjell. Eg var HEILT sikker på at sjølvaste Gunnar Staalesen skulle vere reiseleiar og guide fordi eg har sett han i aksjon tidlegare. Når det viser seg at det ikkje er forfattaren sjølv som leier turen, bestemmer vi oss for å føreta vår eigen byvandring.